Սալոնիկում ներկայացվել է հայկական տուրիզմի ներուժը

Նոյեմբերի 25-28-ը Հունաստանում Սալոնիկի միջազգային ցուցահանհեդսների կենտրոնում կայացավ «Ֆիլոքսենիա 2011» միջազգային տուրիստական ցուցահանդեսը, որը որակվում է Հունաստանում, Եվրոպայում և միջերկրական շրջանում զբոսաշրջության զարգացմանը նպաստող լավագույն ցուցահանդեսներից մեկը:

Այն լայն հնաարվորություն է ընձեռում բիզնեսի զարգացման, նոր բիզնես կապերի հաստատաման համար, և պարզապես քաղաքացիներին ծանոթացնում է նոր զբոսավայրերի հետ: Ցուցահանդեսին, որն արդեն իսկ կազմաերպվում է 28 տարի, մասնակացություն է ունեցել նաև հայկական «Կասանդրա թուրս» ՍՊԸ-ն, որը շուկայում ներկայացնում է Hot Tours ապրանքանիշը:

Ինչպես տեղեկացնում են հունական լրատվամիջոցները, «Կասանդրա թուրս» ՍՊԸ-ի տաղավարը հետաքրքրություն է առաջացրել ոչ միայն զբոսաշրջիկների, այլև գործարարների շրջանում: Շատ գործարարաներ բարձր են գնահատել Հայաստանի տուրիստական ներուժը և պատրաստակամություն հայտնել հետագա համագործակցության համար:

Ծանոթանալով Հայաստանի մասին պատմող փոքրիկ տեղեկատվական թերթիկների հետ' զբոսաշրջիկների շրջանում ևս նկատվել է պատրաստակամություն' այցելելու Հայաստան: Շատերը տաղավարից հեռացել են տպավորված և զարմացած Հայաստանի պատմամշակույթային հարուստ ժառանգությամբ:

Այս տարի Ֆիլոքսենիայի միջազգային էքսպոին մասնակցել են ռեկորդային թվով մասնակիցներ, որոնց մեծ մասը անտարբեր չի հեռացել հայկական տաղավարի կողքով: