«Երկիր». Նիստը «կարևորել» էր նաև Սամվել Նիկոյանը
Հայկական Մամուլ
«Երկիր» թերթն օրեր առաջ անդրադարձել էր Երիտասարդական խորհրդարանից ազատվելու Աժ նախագահ Աամվել Նիկոյանի ցանկությանը: «երկիր»-ը գրել էր, որ երիտասարդ պատգամավորներն արդեն մի քանի ամիս է նիստեր չեն անում և այս կերպ Աժ նորընտիր նախագահը, հավանաբար, փորձում է ազատվել Հովիկ Աբրահամյանի նաև այս ժառանգությունից:
«Հակառակն ապացուցելու համար երեկ Երիտասարդական խորհրդարանը նիստ էր գումարել, ինչը լուսաբանելու ցուցում էին ստացել նաև հայրենի հեռուստաընկերությունները, որոնք, սովորաբար, ԵԽ նիստերին ուշադրություն չէին դարձնում: Սակայն նրանք էլ էին լուրջ փաստի առաջ կանգնել, լուսաբանելու բան չկար, քանի որ երիտասարդ պատգամավորները չէին կարողանում անգամ քվորում ապահովել. 131-ի փոխարեն գրանցվել էին ընդամենը 44-ը: Երիտասարդ խորհրդարանականները, թեև գրեթե բոլոր հարցերում կրկնօրինակում են ավագներին, սակայն միմյանց փոխարեն գրանցվելու և քվեարկելու ձևերը երևի դեռ չեն սովորել: Փոխարենը 20 րոպեանոց ընդմիջում խնդրելու և խմբակցությունների պատգամավորներին միջանցքներից դահլիճ բերելու տեխնոլոգիաներին արդեն ծանոթ են: Քվորումն ապահովվեց մոտ կես ժամ ուշացումով: Նիստը «կարևորել» և դիտելու էր եկել նաև Սամվել Նիկոյանը»,- նշել է «Երկիր»-ը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
