«Ի՞նչ ձևի աղջիկ է Եվրոպան»

Մովսես Դեմիրճյանը ֆեյսբուքյան իր էջում գրել է.

«Եվրոպա բառն, ըստ վարկածներից մեկի, ունի ասորական ծագում, ձևավորվել է «էրեբ» արմատից և նշանակում է մայրամուտ, արևմուտք: Ըստ հունական դիցաբանության, Եվրոպա անունն էր կրում փյունիկյան թագավորի աղջիկը: Ըստ առասպելի, մի օր, երբ Եվրոպան խաղում էր ծովի ափին, նրան տեսավ Զևսը և, հիանալով նրա գեղեցկությամբ, սպիտակ ցլի տեսք ընդունեց և առաջարկեց Եվրոպային փոքրիկ զբոսանք կատարել: Բայց երբ Եվրոպան նստում է ցլի վրա, վերջինս արագորեն շարժվում է դեպի Կրետե կղզի, որտեղ Եվրոպան դառնում է Զևսի կինը:

Ասածս ի՞նչ է. մերօրյա Եվրոպան, կարծես, այնքան է հեռացել իր ավանդույթներից ու պատմությունից, որ արդեն ինքն է աշխարհով մեկ ընկած փեսացու փնտրում՝ արժանի և ոչ այնքան փեսացուների մեջ:

Եվ գոնե ամենավերջին իրադարձությունները վկայում են, որ Եվրոպան «չէ» ասել չգիտի. նույնիսկ եթե նրան մերժում են, նա կրկին գալիս է, առաջարկում իր ծառայությունները, բանակցություններ կազմակերպում սուր հարցերի վերաբերյալ...

Հ.Գ. Իհարկե, Եվրոպայի անունից դա անում է մի կազմակերպությունը՝ Եվրամիությունը, որին պետք է լավ ճանաչել. Եվրամիության գաղափարախոսությունը չի կարող ենթադրել մերժողականություն, նրանք որևէ մեկին իրենց հետ ընդհանուր շահերի մասին բանակցելու հարցում «չէ» ասել չեն կարող, դա կհակասեր հանդուրժողականության և երկխոսության անհրաժեշտության հենց եվրոպական սկզբունքներին:

Ու եթե նույնիսկ Եվրամիությունն ինչ-որ դեպքում ասում է «ոչ», դա ընդամենը նշանակում է «այո, բայց ոչ հիմա»»: