Յասեր Արաֆաթի այրին ցնցված է ամուսնու մահվան վերաբերյալ փորձագետների կարծիքից
Մերձավոր Արևելք
Յասեր Արաֆաթի այրին ցնցված է իր ամուսնու մահվան վերաբերյալ փորձագետների կազմած տարակարծիք եզրակացությունների պատճառով: Արաֆաթի աճյունից նմուշներ ուսումնասիրող ֆրանսիական մասնագետների խմբի կարծիքը տարբերվում է շվեցարացի փորձագետների եզրակացություններից, որոնք հաստատում էին, որ Արաֆաթի մնացորդներոմ ռադիոակտիվ Պոլոնիում 210 է հայտնաբերվել: Իսկ ֆրանսիացի փորձագետները եկել են այն եզրակացության, որ Արաֆաթը մահացել է բնական մահով. գրում է France Press գործակալությունը:
«Ես չգիտեմ` ինչ մտածել, ես չեմ կարող արտահայտել, թե որքան ցնցված եմ ես այդ նորություններից»,-ասել է Արաֆաթի այրին:
Արաֆաթի դին արտաշիրիմվել էր Ռամալլահի գերեզմանոցից 2012թ. նոյեմբերին այրու պահանջով, որ պնդում էր, թե իր ամուսնուն թունավորել են:
Փորձագետները 60 նմուշ օրինակ էին վերցրել նրա աճյունից և բաժանել 3 փորձագիտական խմբերի միջև` շվեցարական, ֆրանսիական և ռուսական:
Լոզանի ռադիոֆիզիկայի շվեցարացի մասնագետները հայտնաբերել էին պոլոնիում 210-ի վտանգավոր քանակ Արաֆաթի մնացորդներում: Նրանց տվյալներով` այդ չափաբաժինը 18 անգամ գերազանցել է նորման:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
