«Հայոց աշխարհ».Կլիչկոն հեռանում է

«WBC գերծանրքաշային կարգում պրոֆեսիոնալ բռնցաքամարտի չեմպիոն Վիտալի Կլիչկոն հայտարարել է առաջիկայում սպորտից հեռանալու մտադրության մասին։ Նա նախատեսել է որոշումը իրագործել ռինգում ևս երկու հանդիպումից հետո։ Միաժամանակ ավագ Կլիչկոն նշել է, որ իր կրտսեր եղբայր Վլադիմիրը դեռ մնալու է ասպարեզում։

1996թ. սկսված պրոֆեսիոնալ կարիերայի ընթացքում Վիտալին հասցրել է նվաճել WBO(1998-1999) և WBC(2004-2005, 2008-ից առ այսօր) չեմպիոնական գոտիները։ Նա նաև քիքբոքսինգի աշխարհի վեցակի չեմպիոն է։ Ընդհանուր առմամբ անցկացրել է 45 մենամարտ, որոնցից 40-ը շահել է նոկաուտով, իսկ պարտվել է միայն երկու անգամ»,– հաղորդում է «Հայոց աշխարհը»։