«Չորրորդ ինքնիշխանություն». Վովա Գասպարյանը կպայքարի նաև սատանայի դեմ

«Չորրորդ ինքնիշխանություն» թերթի տեղեկություններով, օրերս ՀՀ ոստիկանապետ Վլադիմիր Գասպարյանը հավաքել է ոստիկանության աշխատակիցներին և նրանց նոր հրահանգներ է տվել ծառայությունը լավացնելու ուղղությամբ։ Թերթի աղբյուրների փոխանցմամբ՝ Գասպարյանը շատ կոպիտ է խոսել հավաքվածների հետ։ «Ես մաքուր եմ, իսկ դուք բոլորդ սատանաներ եք», բարկացած հայտարարել է ՀՀ ոստիկանապետը։ Ի դեպ՝ հայտնի է, որ Վլադիմիր Գասպարյանը հայ առաքելական եկեղեցու մոլի հետևորդներից է և իր հրապարակային հայտարարություններում հաճախ է օգտագործում աստծո անունն, ինչպես նաև աստվածաշնչյան որոշ տերմիններ։