Շեքսպիրյան միջազգային թատերական փառատոնն ավարտվում է

Այսօր օպերային և բալետի ազգային ակադեմիական թատրոնում՝ «Ռոմեո և Ջուլիետ» բալետային բեմադրությամբ կփակվի հոկտեմբերի 14-ից մեկնարկած Շեքսպիրյան միջազգային թատերական փառատոնը:

Հիշեցնենք, որ Շեքսպիրյան փառատոնը կրում է հայ բեմի մեծ վարպետ Վահրամ Փափազյանի անունը, ում շեքսպիրյան մարմնավորումները մեծագույն անգլիացու ստեղծագործությունների անգերազանցելի մեկնաբանություններ են:

Փառատոնի շրջանակներում հայ հանդիսատեսը հնարավորություն է ունեցել դիտելու Շեքսպիրի «Համլետը», «Լեդի Մակբեթը», «Հուլիոս Կեսարը» և այլն:

Փառատոնի շրջանակներում ներկայացվել է աշխարհառչակ բեմադրիչ Դեկլան Դոնելանի «12-րդ գիշերը» հանրահայտ բերմադրությունը, որը նա իրականացրել է Մոսկվայում' Ռուսաստանի հայտնի դերասաններ' Ա. Ֆեկլիստովի, Մ Ժիգալովի, Ի. Յասուլովիչի և այլոց մասնակցությամբ: Բեմադրությունը ներկայացվել է Գ. Սունդուկյանի անվան ազգային ակադմեիական թատրոնում:

Նշենք, որ Դեկլան Դոնելան հանդիսանում է «Չիկ բայ Ջաուլ» թատրոնի հիմանդիրներից և թատերախմբի ղեկավարներից մեկը։