Սրտանոթային հիվանդությունները աճել են 30%-ով

Վիճակագրական մոտավոր տեղեկությունների համաձայն անցյալ տարվա ընթացքում նկատվել է սրտաբանական հինդությունների 30% աճ:Այս մասին լրագրողների հետ հանդիպման ժամանակ ասել է Երևանի գլխավոր սրտաբան Պարունակ Զելվեյանը:

«Կա առողջ ապրելակերպի, և հիվանդության վաղ հայտնաբերման ու կանխարգելման խնդիրը»,-նշել է սրտաբանը:

Նրա հավաստմամբ, ավելի կարևոր է առողջ ապրելակերպի քարոզը.«Առողջ ապրելակերպի առաջին նախապայմանը առողջ սիրտ ունենալն է: Բացի առողջ ապրելակերպից, հեռուստատեսությունը ամեն ինչ քարոզում է»:

Սրտաբանի խոսքերով, երբ երեխաները բակ իջնելու փոխարեն իրենց ժամանակի մեծ մասը անցկացնում են համակարգչի առաջ, դա տարիներ հետո կդառնա ճարպակալման և սիրտ-անոթային հիվանդությունների առաջացման պատճառ:

«Շվեդիայում հաջողվել է կրճատել սրտանոթային հիվանդությունների 55%-ը՝ առողջ ապրելակերպի քարոզի և դեղերի շնորհիվ, դրանցից 31%-ը առողջ ապրելակերպ քարոզելու արդյունքն է»,-հավելել է սրտաբանը:

Սրտաբանը իր խոսքում նաև նշել է, որ «ռաֆինացված սնունդը, զտված աղը վնասակար են առողջության համար, ավելի ճիշտ է օգտագործել չզտված, բնությանը մոտ սննդամթերք»։