Եմենում «Ալ Կաիդա»-ի առաջնորդը սպանվել է կենցաղային վեճի պատճառով

Եմենում «Ալ Կաիդա» միջազգային ահաբեկչական խմբավորման առաջնորդներից Թարիկ ալ–Դահաբը սպանվել է հարազատ եղբոր կողմից՝ ընտանեկան վեճի ժամանակ։

Սպանությունը տեղի է ունեցել Ալ–Մանասիհ քաղաքում, որտեղ գտնվում է Դահաբի ընտանեկան նստավայրը։ Հարազատների հանդիպման սկզբում վեճ է տեղի ունեցել, որի ժամանակ էլ սպանվել է ահաբեկիչը։

Թարիկ Ալ–Դահաբը նախկինում ղեկավարել է Եմենի կառավարական ուժերի դեմ ձեռնարկված մի շարք գործողություններ, մասնավորապես՝ հունվարին նրա գլխավորությամբ արշավանք էր սկսվել Ռադդա քաղաքի վրա։

Բացի այդ, նա հայտնի է եղել ծագումով եմեցի ամերիկյան իսլամիստ Անվար ալ–Ավլակիի հետ ազգակցական կապ ունենալու փաստով, որը սպանվեց 2011–ի սեպտեմբերին ամերիկյան զինված ուժերի կողմից։ Ավլակին «Ալ Կաիդա»-ի նախկին առաջնորդ, 2011–ի մայիսին սպանված Ուսամա Բեն Լադենից հետո համարվում էր աշխարհի թիվ մեկ ահաբեկիչը, հաղորդում է Lenta.ru–ն։