Ադելը չի պատրաստվում լքել բեմը

Դեռևս տարեսկզբին լուրեր էին տարածվել, որ երգչուհի Ադելը պատրաստվում է երկար ժամանակով թողնել մեծ բեմը։ Այս մասին նա հայտնել էր «Vogue» ամսագրին տված հարցազրույցում, և «չորս–հինգ տարով» դադար առնելու ցանկությունը բացատրել անձնական խնդիրներով և նոր սկավառակ թողարկելու որոշմամբ։ Իսկ փետրվարի 14-ին, իր պաշտոնական կայքում, Ադելը հերքել է այդ լուրերը՝ նշելով, որ Բրիտանական երաժշտական մրցանակաբաշխությունից հետո՝ մոտ մեկ շաբաթվա ընթացքում, կվերադառնա ձայնագրման ստուդիա։