«Ինչի՞ մասին է քաղաքականությունը»

Մովսես Դեմիրճյանը ֆեյսբուքյան իր էջում գրել է.

«Քաղաքականությունը բանակցելու և համաձայնություն ձեռք բերելու արվեստ է:

Սա, թերևս, գիտեն շատերը: Բայց այս կապակցությամբ ծագում է տրամաբանական հարց. ինչ ո՞րն է քաղաքականության բուն բովանդակությունը: Այն է՝ ինչի մասին պետք է ծավալվեն բանակցություններ ու ձեռք բերվեն համաձայնություններ՝ պատմակա՞ն հարցերի, գիտակա՞ն հարցերի, սոցիալակա՞ն հարցերի, աշխարհաքաղաքականությա՞ն վերաբերյալ հարցերի...

Ինչի՞ մասին է քաղաքականությունը, սա է հարցը:

Երբ բանակցություններ ու համաձայնություններ են ձեռք բերվում երկրի տնտեսական ոլորտում, որոնք տնտեսական զարգացում են ապահովում, դա ճիշտ է, որովհետև երկրի ու հասարակության հիմքը տնտեսական կյանքն է:

Երբ բանակցություններ ու համաձայնություններ են ձեռք բերվում անվտանգության ոլորտում, դա շատ լավ է, քանի որ պետության գործառույթներից մեկը բնակչության անվտանգությունն ապահովելն է:

Ընդորում, նա կամ այն, ինչն այս պահին ապահովում է երկրի տնտեսական առաջընթացն ու երաշխավորում է անվտանգությունը, լավագույն դաշնակիցն է:

Մնացած հարցերը՝ ազգային, կրոնական, կրթական, սեռական (էլ չմանրանամ) պետական քաղաքականության մեջ կարող են և չմտնել: Ազգային պետության պարագայում ազգային բնույթի հարցերն անպայմանորեն արտահայտվում են քաղաքական մակարդակում: Այդպես է արդյոք Հայաստանի պարագայում, թե ոչ, պետք է քննարկել»: