Տղամարդը դստերը կնության է տալիս Facebook-ում 1 միլիոն լայքի դիմաց
Մերձավոր Արևելք
Եմենի բնակիչ Սալեմ Այաշը համաձայնվել է իր դստերը կնության տալ պայմանով, եթե Facebook-ի իր էջը փեսայի ջանքերի շնորհիվ հավաքի միլիոն լայք. գրում է BBC-ն:
Էջը, որում Այաշը տեղադրում է իր բանաստեղծությունները, բացվել է մի քանի օր առաջ, և համացանցում դեռևս 30 հազար հետևորդ ունի:
Որոշ օգտատերեր քննադատել են եմենցու այդ որոշումը և նշել, որ նա իր աղջկա միջոցով ցանկանում է հռչակ ստանալ: Այլ օգտատերեր կարծում են, որ նրա արարքն ուշադրություն է հրավիրում ամուսնական գործարքի համար հարսնացուի համար վճարվող գլխագնի խնդրի վրա, որը շատ սուր է դրված երկրում:
Հարսնացուի հոր խոսքերով` նա որոշել է իր դստեր համար վիրտուալ գլխագին ուզել, քանի որ հասկանում է, թե որքան դժվար է երիտասարդների համար հսկայական գումար վճարել սիրելիի հետ ամուսնանալու համար: Ընդ որում, նա նշել է, որ պատրաստ է նվազեցնել նախապես սահմանված լայքերի քանակը, եթե տեսնի, որ փեսան իրոք ջանք չի խնայում պայմանը կատարելու համար:
Նշենք, որ 2013թ. հոկտեմբերին երիտասարդ փեսացուները բողոքի ակցիա էին կազմակերպել` պահանջելով, որ հարսնացուի համար վճարվող գլխագինը համարժեք լինի 1000 ԱՄՆ դոլարի, քանի որ ավագ սերնդի ներկայացուցիչ հայրերն իրենց աղջիկներին չեն համաձայնվում ամուսնացնել 2500 ԱՄՆ դոլարից ոչ պակաս գլխագնով:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
