«Երկիր». «Արմենպրեսի» նախկին տնօրենը սրտի լուրջ խնդիր ունի
Հայկական Մամուլ
«Արմենպրեսի» նախկին տնօրեն Տիգրան Հակոբյանը, ով մեղադրվում է 184 միլիոն դրամ հափշտակելու և յուրացնելու մեջ, կալանավորված է, առողջական լուրջ խնդիրներ ունի: «Նա սրտի լուրջ վիրահատություն է տարել և էդ պայմաններում չէր կարելի կալանավորել: Ամեն անգամ նրան այցելելուց տեսնում ենք, որ բավականին լուրջ պրոբլեմներ ունի՝ կապտած է, երկար չի կարողանում աշխատել մեզ հետ»,- «Երկիր»-ի հետ զրույցում ասել է նրա փաստաբան Հայկ Ալումյանը:
Ինչ վերաբերում է այս գործով մյուս կասկածյալ ՀԱԿ առաջնորդի մամլո խոսնակի եղբոր՝ Վահան Մուսինյանին, ով հետախուզման մեջ է, Հայկ Ալումյանն ասել է, «մենք նրա հետ ոչ մի կոնտակտ չունենք, ինքը ոնց որ թե չկա»:
Ըստ փաստաբանի՝ իրենք ունեն բոլոր ապացույցները, որ Տիգրան Հակոբյանը յուրացումներ չի կատարել, եւ գումարային յուրաքանչյուր տեղաշարժի վերաբերյալ փաստաթղթեր կան: Նա նշել է, որ Տիգրանի մասով շուտով ամեն ինչ պարզ կլինի, սակայն չի բացառվում, որ գործի քննությունը կձգձգվի՝ կապված Վահան Մուսինյանի հետախուզման մեջ լինելու պատճառով:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
