Այսօր Բարության չծրագրված արտահայտման տոնն է

Այսօր աշխարհում նշվում է Բարության չծրագրված արտահայտման օրը (Random Act of Kindness Day)։ Միջազգային բարեգործական կազմակերպությունները բոլորին կոչ են անում նշել այս ոչ պաշտոնական տոնը՝ անկախ իրենց բնակության վայրից, քաղաքացիությունից և ազգությունից, հաղորդում է «Վեստի»-ն։

Տոնի մտահղացնողները բոլորին կոչ են անում լինել ոչ միայն բարի և կարեկից, այլ՝ անսահման բարի, և որ ամենակարևորն է՝ անշահախնդրորեն։

Թեև հետսովետական տարածքում այս տոնն դեռևս առանձնապես տարածում չի գտել, այնուամենայնիվ որոշ հասարակական կազմակերպություններ այսօր պատրաստվում են բարեգործական միջոցառումներ կազմակերպել։