«Օսկար»–ի կազմակերպիչները փոխել են ավանդույթը. Բանկետի փոխարեն երեկույթ կլինի

«Օսկար» կինոմրցանակաբաշխության կազմակերպիչները բացել են տոնական բանկետի գաղտնիքները։ Արարողությունը տեղի է ունենալու փետրվարի 26-ին, բայց նախապատրաստական աշխատանքներն ավելի վաղ են սկսվել։ Այս տարի որոշվել է մի քիչ հեռանալ ավանդույթից. հանդիսությունների սրահն այս անգամ առավելապես նման է լինելու գիշերային ակումբի, հաղորդում է «Վեստի»-ն։ 

Ըստ կազմակերպիչների, հրավիրված մոտ հազար հինգ հարյուր հյուրերը հանգիստ կարող են տեղավորվել սրահում, զրուցել միմյանց հետ։ Ճաշացանկը մոտ հիսուն տեսակ ուտեստներից է բաղկացած, իսկ նրբահամ խորտիկների շարքը լրարգողներին կներկայացնի երեկույթի շեֆ–խոհարարը։