Էրդողան. Ես չեմ պատրաստվում հրաժարական տալ
Թուրքիա
Թուրքիայի վարչապետ Ռեջեփ Թայիփ Էրդողանը հայտարարել է, որ չի լքի իր պաշտոնը կոռուպցիոն սկանդալի պատճառով: Այս մասին հաղորդում է BBC-ն: Ավելի վաղ, այս ֆոնի ներքո հրաժարական էր տվել երկրի 10 նախարար:
Ուրբաթ օրը Ստամբուլի Թաքսիմ հրապարակում հավաքված բողոքի ակցիայի ժամանակ ցուցարարները վանկարկել են «բռնել գողին» և պահանջել Էրդողանի հրաժարականը: Միջադեպի արդյունքում ոստիկանությունն արցունքաբեր գազ և ռետինե փամփուշտներ է օգտագործել ցուցարարներին ցրելու նպատակով:
«Ես չեմ պատրաստվում հրաժարական տալ, ես պատրաստվում եմ իմ հակառակորդների «ձեռքերը կոտրել»: Թուրքիան բախվել է «մութ դավադիր» ուժերի, որոնք ցանկանում են պառակտել երկիրը»,-հայտարարել է վարչապետն՝ ի պատասխան հանրության պահանջի:
Այս միջադեպի հետևանքով՝ թուրքական լիրայի փոխարժեքը դոլարի նկատմամբ նվազել է:
Հիշեցնենք, որ Թուրքիայի ոստիկանությունը հատուկ գործողությունների արդյունքում ձերբակալել է 65 մարդու, այդ թվում՝ գործարարների և որոշ նախարարների որդիների: Գործարարներին ձերբակալել են կոռուպցիայի, մաքսանենգության ու թմրանյութերի իրացման մեղադրանքով:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
