«Տնտեսական առումով` անցնող տարին շատ ծանր էր մեր ժողովրդի համար»

ԲՀԿ-ական պատգամավոր Հայկ Խաչատրյանը ֆեյսբուքյան իր էջում գրել է.

«Իշխանությունն օգտագործեց իր ձեռքի տակ եղած բոլոր գործիքները, որպեսզի ժողովուրդն ապրի ավելի վատ, ավելի ընչազուրկ, ավելի հիասթափված: 2013-ին չկրճատվեց ոչ աղքատության, ոչ արտագաղթի ցուցանիշը, համատարած գնաճի ֆոնին՝ չավելացավ մարդկանց եկամուտները, փոխարենն ավելի մեծացավ իշխանության նկատմամբ հիասթափված քաղաքացիների բանակը: Երկրի նկատմամբ յուրաքանչյուր մտահոգ քաղաքացու ցանկությունը նույնն է՝ երկիրը դուրս գա այս ճահճից, քաղաքացին ոչ թե գոյատևի, այլ ապրի արժանապատիվ կյանքով, իսկ իշխանությունն էլ դեմքով շրջվի դեպի քաղաքացին:

Ցանկանում եմ, որպեսզի 2014 թվականը հայ ժողովրդի համար լինի ավելի լավ տարի, քան 2013-ը, լինի՝ առատության, խաղաղության, բարեկեցության, նվաճումների և սպասումների իրականացման տարի: Թող 2014 թվականը յուրաքանչյուր հայ ընտանիքում լինի նոր հնարավորությունների ու իրական ձեռքբերումների տարի:

Շնորհավոր Ամանոր և Սուրբ Ծնունդ:

Հայկ Ռոբերտի Խաչատրյան»: