«Տա Աստված, որ 2013-ը ամենավատ տարին լինի մեր կյանքում». Արմեն Աշոտյան

ՀՀ ԿԳ նախարար Արմեն Աշոտյանը ֆեյսբուքյան իր էջում գրել է.

«Ախր շատ եք ու տարբեր, չգիտեմ, ինչպես դիմել, որ ճիշտ լինի

Միասին ճանապարհում ենք հին տարին (խոստովանենք, որ երբեմն ավելի հեշտ է ճանապարհել տարի, քան մարդկանց):

Մենք ապրում ենք, սիրում ենք, աշխատում ենք տարբեր միջավայրերում, տարբեր վայրերում, տարբեր անհատների հետ: Բայց այդ ամենն անում ենք միևնույն երկրում, միևնույն տարածքում, միևնույն պայմաններում ու նույն ճակատագրով շաղկապված:

Տա Աստված, որ 2013-ը ամենավատ տարին լինի մեր կյանքում, մեր ապրած տարիների ամենադժգույն ու անշնորհակալը լինի:

Կհավատաք թե ոչ, կհավանեք թե կմտորեք, կընդունեք, թե կհապաղեք, բայց խոսոտովանեմ, որ շատ եմ կարևորել ու ընդունել ձեզ ու ձեր կարծիքը:

Մտածել և խորհել քննադատությունից, ուրախացել ու լիցքավորվել գովաբանությունից:

Մարդ եմ, ինչպես յուրաքանչյուրդ, մսից ու ավյունից, նյարդից ու արյունից, ոսկրից ու էլի տարբեր բաներից:

Իշխանույթյուն եմ և իշխանության մեջ: Պատասխանատու եմ և պատասխանող: Ժամանակավոր, բայց ձիգ: Սիրված եմ և ոչ այնքան: Ձերն եմ, ու միևնույն է, ձեզ հետ: Ձեզանով եմ ու ձեզանից մեկը:

Ապրում եմ իմ, երկրիս, ու ձեզանից այն անհատների կյանքով, երբ կարող եմ մի փոքր մասնակից լինել... Օգնել, աջակցել, քաջալերել, մերժել ու ընթացք տալ... Ես եմ, ու, ես իմ, դա բավարար է թե չէ..

Այսօրը միասին անցկաացնելով, աշխատելով ու պայքարելով, ապրելով ու վերապրելով, ցանկություն ունեմ կիսել ու կիսվել, սիրել և սիրվել, շնորհավորել և ընդունել ամենաթանկն ու բարին, ամենակարևորն ու անմիջականը, մշտականն ու անկեղծը' սրտի և հոգու բարեմաղթանքը, իղձը, ասելիքը Ամանորի նախաշեմին:

Ձեզ և ձեզանով, յուրաքանչյուրիդ և ամենքին, մոտիկ թե հեռու, իմ ամենաջերմ ու իսկական, իրական ու շոշափելի ցանկություններն եմ հղում:

Այս առիթով, բայց ողջ տարի:

Միշտ ձեր` Արմեն»: