Սիրիայում շարունակվում են բռնությունները
Մերձավոր Արևելք
ՄԱԿ-ի Գլխավոր ասամբլեայի ընդունած բանաձևից հետո, որով պաշտոնական Դամասկոսին կոչ է արվում դադարեցնել արյունահեղությունը և մարդու իրավունքների ոտնահարումը, Սիրիայում, այնուամենայնիվ, շարունակվում են բռնությունները: Այս մասին հայտնում է BBC Russian-ը:
12 երկրներից (այդ թվում՝ բանաձևին դեմ քվեարկած Ռուսաստանը և Չինաստանը) մեծ մասը հավանության է արժանացրել բանաձևը, որով նաև Սիրիայի նախագահ Բաշար Ասադին պաշտոնանկության կոչ է արվում:
Իրավապաշտպանները հայտնում են, որ այսօր առնվազն 12 մարդ է սպանվել, դրանցից մի քանիսը՝ Հոմսում, որտեղ կառավարական ուժերը վերսկսել էին գնդակոծությունը ծանր հրազենից:
Ընդդիմությունը հայտնում է, որ անվտանգության ծառայությունները Դամասկոսի ծայրամասային որոշ թաղամասերում գրոհել են ցուցարարների դիրքերը:
Սիրիայի մայրաքաղաքում այժմ սպասում են չինացի բարձրաստիճան պաշտոնյաների այցին:
Հիշեցնենք, որ Ռուսաստանը և Չինաստանը ՄԱԿ-ի այս բանաձևին դեմ քվեարկեցին, ինչպես և երկու շաբաթ առաջ վետո դրեցին ՄԱԿ-ի անվտանգության խորհրդի բանաձևի վրա:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
