Թուրքիայում տիրող քաոսը երկար չի տևի. Էրդողան
Թուրքիա
Թուրքիայի վարչապետ Ռեջեփ Թայիփ Էրդողանը ճապոնական NHK հեռուստաալիքին տված հարցազրույցում հայտնել է, որ երկրում իրականացվող «հակակոռուպցիոն» գործողությունները սադրանք են, որոնք ուղղված են երկրի վարչակազմի տապալմանը, այս մասին գրում է itarr-tass-ը:
«Նման գործողությունները մեր երկրին առաջնորդում են սխալ ուղղությամբ», - ասել է Էրդողանը, մեկնաբանելով կոռուպցիոն սկանդալը, որի արդյունքում ձերբակալվեց ավելի քան 50 բարձրաստիճան պաշտոնյաներ, որոնց առաջադրվել էր փողերի լվացման, կոռուպցիայի և ոսկու մաքսանենգության մեղադրանքներ:
Միևնույն ժամանակ՝ Թուրքիայի վարչապետը վստահություն է հայտնել, որ կարող է պահել երկրի իրավիճակը խիստ հսկողության տակ:
«Քաոսը երկար չի տևի», - ասել է Էրդողանը:
NHK հեռուստաալիքին տված հարցազրույցում Թայիփ Էրդողանը նաև մտահոգություն է հայտնել Մերձավոր Արևելքում իրադրության վատթարացման մասին, որն իր ճգնաժամին հասավ մասնավորապես Եգիպտոսի նախագահ Մուհամեդ Մուրսիի տապալումից հետո:
«Մերձավոր Արևելքում հակամարտություններն ուժով լուծելու փորձերն անընդունելի են: Անհրաժեշտ է գիտակցել, որ ժողովրդավարություն հնարավոր է միայն հարգելով երկու ժողովրդի կամքը», -ասել է Թուրքիայի վարչապետը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
