Հովիկ Աբրահամյանը կպատասխանի՞ Ռոբերտ Քոչարյանին

Երբ տարեվերջին երկրորդ նախագահը հարձակում իրականացրեց վարչապետի ուղղությամբ, կարծիք էր շրջանառվում, որ նրան կպատասխանի ԱԺ նախագահը: Տրամաբանությունը հստակ է՝ հարձակումը Սերժ Սարգսյանի մակարդակի չէր, նրա պատասխանելը ճիշտ չէր լինի: Վարչապետի պատասխանելն էլ ճիշտ չի, քանի որ հենց իրեն են կպել, իր պատասխանելու դեպքում կստացվի, որ հետևում քաղաքական թիմ չկա: Դե իսկ ավելի ցածր մակարդակով պատասխանելը ըստ էության տեղին չի ընկալվի ու համազոր չի լինի: Ստացվում է, որ տրամաբանորեն մնում է ԱԺ նախագահ Հովիկ Աբրահամյանի արձագանքելը:

Եթե հաշվի առնենք, որ տարեվերջին վարչապետի արձագանքը ավելի շատ խուսափողական էր ու նման չէր նույն ուժգնության հակահարվածի, ապա թերևս մոտ օրերին պետք է սպասել Հովիկ Աբրահամյանի հուժկու պատասխանը Ռոբերտ Քոչարյանի հրապարակային հարձակմանը վարչապետի ուղղությամբ: Տեսնենք ԱԺ նախագահին որքանով կհաջողվի խույս տալ այդ թակարդից, քանի որ վստահաբար կարելի է պնդել, որ նա ամեն ինչ կանի այդ քայլին չգնալու համար:

Գրառումը` Կարապետ Նուրիջանյանի ֆեյսբուքյան էջից