Ֆեյսբուքը երեկ. օրվա ամփոփում

Էդգար Խաչատրյանը ֆեյսբուքյան իր էջում գրել է.

«Ֆեյսբուքը երեկ: 07.01.2013

Ինչպես դիմավորես տարին, այնպես էլ այն կանցկացնես: Որքան, որ եղել եմ ֆբ-ում տոներին, զգացել եմ մի վատ բան, մարդիկ չկարողացան կտրվել համացանցից ու Ամանորը դիմավորել են ֆբ-ում: Մի խոսքով` բազմաթիվ հայեր իրենց տարին սովորականի պես անցկացնելու են ֆբ-ում:

Երեկ նշմարեցինք տարվա առաջին մեռելոցը: Մարդիկ կրկին բողոքում էին մեռելոցից, որ դա հանգստյան ավել օր է և այլն: Բայց աշխատանքի գալուց էլ են դժգոհում: Հա՛մ չեն ուզում գնան աշխատանքի հա՛մ մեռելոց չեն ուզում: Մի խոսքով` չես կարող հասկանալ ի՞նչ են ուզում:

Ավտովարորդներ և հետիոտներ, պահպանեք երթևեկության կանոնները: Եկեք այս տարին սկսենք ավելի բարի էջից, երեկ կրկին ավտովթարների մասին լուրեր էին պտտվում ֆբ-ում: Եթե ամեն մեկը իր պարտականությունը փողոցում ճիշտ կատարի, կխուսափենք վթարներից ու անիմաստ զոհերից:

Մայլի Սուարեսը մի քանի օր առաջ շնորհավորել էր հայերի Սուրբ Ծննդյան տոնը: Դա այնպիսի մեծ արձագանք ստացավ, որ ֆբ-ում մինչև երեկ մարդիկ քննարկում էին այդ դեպքը: Այնպես ենք ոգևորվել, կարծես՝ Տիգրան Մեծի Ծովից Ծով Հայաստանն է Մայիլին մեզ ետ վերադարձրել: Շատ շնորհակալ եմ Մայլիին, որ նրան տեսնեք, ասեք, որ մյուս տարին նրա Սուրբ Ծնունդն էլ մենք ազգովի կշնորհավորենք, տեսնենք այդքան կոգևորվի՞:

Բարի Նոր Տարի»: