Մահացու կոկտեյլները, ալկոհոլն ու դեղամիջոցներն՝ աստղերի մարդասպան

Հանրահայտ աստղեր Մայքլ Ջեքսոնի, Էմմի Ուայնհաուսի և Հիթ Լեջերի համար ալկոհոլն ու թմրամիջոցները ճակատագրական նշանակություն են ունեցել, հիշեցնում է գերմանական «Focus»-ն՝ անդրադառնալով աստեղի վնասակար սովորույթներին։

Այսպես, փորձագետների հավաստմամբ՝ փոփի արքա Մայքլ Ջեքսոնի մահվան «մեղավորը» «Պրոպոֆոլ» դեղամիջոցն է։ Ջեքսոնի արյան բաղադրության մեջ հայտնաբերվել են հանգստացնող և քնաբեր դեղամիջոցներ, որոնք նրա համար մահացու եղան։ Փոփի արքայի անձնական բժիշկ Կոնդրատ Մյուրրեյը դատապարտվել է ազատազրկման՝ անզգուշաբար կատարված սպանության մեղադրանքով։ 

Պատասխանատվության ենթարկվելու վտանգի առաջ է նաև Ուիթնի Հյուսթոնի անձնական բժիշկն, ինչպես նաև դեղատները, որտեղից երգչուհին ձեռք էր բերում այն դեղամիջոցները, որոնք հայտնաբերվել են Beverly Hills գտնվող նրա հյուրանոցային համարում։

Ալկոհոլը, թմրանյութի չարաշահումն ու դրանց դեմ պայքարը Ուիթնիի փայլուն կարիերայի մշտական ուղեկիցներն են եղել։

Իսկ ահա Էմմի Ուայնհաուսի մահվան պատճառը չարաշահումն է եղել. 27-ամյա երգչուհու արյան բաղադրությունում հայտնաբերել են 41.16‰ ալկոհոլ, իսկ նրա մահը որակվել է իբրև «դժբախտ պատահար»։

Հոլիվուդյան դերասանուհի Բրիտանի Մերֆիի՝ 2009-ին անսպասելի մահվան դեպքը կապում են մեծ քանակով հակավիրուսային և ցավազրկող դեղամիջոցների ընդունման հետ։ 

Թմրանյութերի մեծ չափաքանակ է հայտնաբերվել դերասանուհի Հիթ Լեջերի արյան բաղադրության մեջ։ «Մահացու կոկտեյլի» չարաշահումը նրա համար վճռորոշ եղավ։

Գաղտնիք չէ նաև, որ 42 տարեկանում կյանքին հրաժեշտ տված Էլվիս Փրեսլին ևս իր ժամանակին ակտիվ կերպով ընդունել է ամենատարբեր դեղամիջոցներ։ Վտանգավոր թմրանյութերի դուրսգրման մեղադրանքով նրա անձնական բժշկի ձգձգվող դատական գործընթացի ընթացքում այդպես էլ չբացահայտվեց երգչի մահվան իրական պատճառը։

Ճաղերի ետևում չհայտնվեցին նաև էքս–մոդել Աննա Նիկոլ Սմիթի մահվան մեղավորները։ Մոդելը մահացավ 2007–ին՝ դեղամիջոցներ չարաշահելու հետևանքով։ Մոդելի մահվան գործով մեղադրվում էին նրա զուգընկերն ու երկու բժիշկները, որոնք մշտապես դեղամիջոցներ էին մատակարարում երգչուհուն։