Facebook–ը կառաջարկի՝ ում հրավիրել այս կամ այն միջոցառմանը

Facebook սոցիալական ցանցը նոր գործառույթ է փորձարկում, ըստ որի սոցիալական ցանցն ինքն է ընտրում այն հնարավոր օգտատերերին, որոնց կարելի է հրավիրել այս կամ այն օգտատերի ստեղծած միջոցառմանը։ Այս մասին տեղեկացնում է Inside Facebook–ը։ 

Հանդիպումների էջերում հատուկ բաժին է լինելու, որտեղ յուրաքանչյուր օգտատեր կարող է ծանոթանալ իր ընկերների նախասիրություններին։

Նոր գործառույթը գտնվում է փորձարկման շրջանում և սոցիալական ցանցի ոչ բոլոր օգտատերերին է հասանելի, հաղորդում է Lenta.ru–ն։

Հիշեցնենք, որ դեկտեմբերին Inside Facebook–ն իր օգտատերերին նոր գործառույթ էր առաջարկել, ըստ որի յուրաքանչյուր օգտատեր կարող է իր հետաքրքրություններին համապատասխան առաջարկություններ կատարել։