Հայտնի են 84-րդ «Օսկար» մրցանակաբաշխության նոմինանտները

Ամերիկյան կինոակադեմիայի պաշտոնական կայքը հայտնում է, որ Օսկարակիր դերասանուհի Հոլլի Բերին «Օսկար 2012» մրցանակաբաշխության հաղորդավարներից մեկն է լինելու: Բերին 2001-ին արժանացավ «Օսկար»-ի «Հրեշների պարահանդես» (Monster's Ball) ֆիլմի համար: Այս մասին հաղորդում են ամերիկայն լրատվամիջոցները:

Ավելի վաղ հաղորդվում էր, որ մրցանակաբաշխությունը կվարեն նաև դերասաններ Թոմ Հենքսը և Թոմ Կրուզը, երգչուհի Ջենիֆեր Լոպեսը, կատակերգու Բիլլի Քրիստալը: Ենթադրվում էր, որ մրցանակաբաշխության արարողությունը կվարի Էդի Մերֆին, սակայն պրոդյուսերի փոփոխությունից հետո նա հրաժարվեց մասնակցել արարողությանը:

Անվանակարգերում նոմինացվելու համար դիմումները ներկայացվել են 2011 թվականի դեկտեմբերի 1-ից, իսկ կինոակադեմիայի անդամների' հավակնորդներին ընտրելու քվեարկությունն ավարտվել է հունվարի 13-ին: Հունվարի 24-ին կայացած հատուկ միջոցառման ընթացքում Կինեմատոգրաֆիստների արվեստի և գիտության ակադեմիայի տնօրեն Թոմ Շերակն ու դերասանուհի Ջենիֆեր Լոուրենսը հայտարարել են 84-րդ մրցանակաբաշխության անվանակարգարգերի և նոմինանտների անունները:

Լավագույն դերասան անվանակարգում նոմինանտներն են՝ Դեմիան Բիշիրի «Լավագույն կյանքը», Ջորջ Քլունիի «Ժառանգները», Ժան Դյուժարդեն «Արտիստը», Գերի Օլդմեն «Լրտես, հեռացի՛ր», Բրեդ Փիթ «Մարդը, որ ամեն ինչ փոխեց»: Լավագույն դերասանուհի անվանակարգում՝ Գլեն Քլոուզ «Առեղծվածային Ալբերտ Նոբս», Վիոլա Դեւիս «Աղախինը», Ռունի Մարա «Վիշապի դաջվածքով աղջիկը», Մերիլ Սթրիփ «Երկաթյա լեդի», Միշել Վիլիամս «7 օր Մերլին Մոնրոյի հետ»: Լավագույն ֆիլմ անվանակարգում ներկայացված են «Մարտական նժույգ»,«Արտիստը»,«Մարդը, որ ամեն ինչ փոխեց»,«Ժամանակի պահապանը»,«Սարսափելի բարձր և անսահման մոտ», «Ժառանգները», «Կենաց ծառը», «Կեսգիշերը Փարիզում», «Աղախինը» ֆիլմերը,իսկ Լավագույն ռեժիսորական աշխատանք անվանակարգում Ալեքսանդր Փեյն «Ժառանգները», Վուդի Ալեն «Կեսգիշերը Փարիզում», Մարտին Սկորսեզե«Ժամանակի պահապանը»,Միշել Խազանավիչուս «Արտիստը» Թերենս Մալիկ «Կենաց ծառը»: Լավագույն օրիգինալ սցենար. ներկայացված են «Արտիստը» Միշել Խազանավիչուս, «Կեսգիշերը Փարիզում» Վուդի Ալեն, Նադեր եւ Սիմին. «Աղջիկների հավաքույթ Վեգասում» Էննի Մումոլո, Քրիսթեն Ուիգ, «Ռիսկի սահմանը» Ջեյ Սի Չենդոր, «Ամուսնալուծություն» Ասգար Ֆարհադի: Լավագույն ադապտացված սցենար՝ «Լրտես, հեռացի՛ր» Բրիջեթ Օ’Քոնոր, Պիտեր Ստրոհան, «Ժառանգները» Ալեքսանդր Փեյն, Նեթ Ֆեքսոն, «Մարտյան իդեր» Ջորջ Քլունի, Հրանտ Հեսլով, Բո Ուիլիմոն, Ջիմ Ռաշ, «Ժամանակի պահապանը» Ջոն Լոգան, «Մարդը, որ ամեն ինչ փոխեց» Սթիվեն Զաիլյան, Աարոն Սորկին, Սթեն Չերվին:

Վերջում հիշեցնենք նաև, որ «Օսկար» մրցանակաբաշխությունը տեղի է ունենալու «Կոդակ» համերգասրահում, փետրվարի 26-ին։