Կիբեռհանցագործությունների վարկանիշային աղյուսակում Հայաստանը 4–րդ տեղում է

«Կասպերսկու լաբորատորիա»–ի փորձագետները կազմել են կիբեռհանցագործությունների ցուցանիշների ամենամյա ավանդական հաշվետվությունը՝ «Kaspersky Security Bulletin 2011» տեղեկագիրը։ Վիճակագրական մասը ձևավորվել է Kaspersky Security Network (KSN1) համակարգի օգնությամբ մշակված տվյալների, տեղեկությունների և ուսումնասիրությունների հիման վրա։  

«Կասպերսկու լաբորատորիա»–ի փորձագետները կազմել են «ամենավտանգավոր» երկրների ինտերնետ–սերֆինգների վարկանիշային աղյուսակը։

Հայաստանն այդ ցանկում կիբեռհանցագործությունների քանակով (49.6%) չորրորդ հորիզոնականում է հայտնվել, իսկ Ռուսաստանը զբաղեցրել է առաջին «պատվավոր» հորիզոնականը։ 2011–ին Ռուսաստանում ինտերնետից օգտվողների ավելի քան 55%-ը կիբեռհարձակման է ենթարկվել։