Ուժգին պայթյուն Թուրքիայում

Թուրքիայի հարավ–արևելյան շրջանում գտնվող Բինգյոլ քաղաքում տեղի ունեցած ուժգին պայթյունի հետևանքով կան բազմաթիվ վիրավորներ և նախնական տվյալներով մեկ զոհ։ Reuters լրատվական գործակալության հաղորդմամբ պայթյունը տեղի է ունեցել «Արդարություն և զարգացում» կուսակցության տարածքային գրասենյակի մոտ։ Ենթադրվում է, որ պայթյունը իրականացրել է մահապարտ ահաբեկիչը։ Բինգյոլ քաղաքը հիմնականում բնակեցված է քրդերով և տեղական իշխանությունները ահաբեկչության կազմակերպման մեջ կասկածում են Թուրքիայի Քրդական բանվորական կուսակցության առաջնորդներին, ովքեր պայքարում են քրդական պետության ստեղծման համար։