Թաիլանդում տասնյակ զբոսաշրջիկներ են թունավորվել

Թաիլանդում 40 զբոսաշրջիկ է թունավորվել քլորից։ Միջադեպը տեղի է ունեցել Պհուկետ կղզու վրա գտնվող հյուրանոցներից մեկում։ Տեղական ոստիկանությանը հաջողվել է պարզել, որ հյուրանոցի լողավազանում քիմիական նյութերի չափաքանակը զգալիորեն գերազանցել է թույլատրելիի ցուցանիշը։

Տուժածները ստացել են աչքերի և մաշկի թեթև աստիճանի վնասվածքներ։ Հիվանդանոց է տեղափոխվել 37 զբոսաշրջիկ, այդ թվում՝ 26 օտարերկրյա քաղաքացի։ Շուրջ 10 մարդ արդեն իսկ դուրս է գրվել հիվանդանոցից, հաղորդում է «Вести»-ն։