«Ո՞ւր էին ընդդիմադիրները հերոս զինվորի հուղարկավորության ժամանակ»

Ֆեյսբուքյան օգտատեր Գոռ Հարությունյանն իր էջում գրել է.

«Ժողովուրդ ջան, ինչ ուզում եք ասեք, բայց ինձ համար միասնություն խաղացող չորս «ընդիմադիր» կուսակցությունները զրո արժեք ունեն, քանի որ սաղ օրը կուրծք են ծեծում, իշխանությունների դեմ կեղծ ալյանսներ կազմում, բայց հերոս զինվորի հուղարկավորությանը չեն գնում:

Նկարների մեջ մենակ հանրապետական Շարմազանովն ու Կորյուն Նահապետյանն են երևում ԱԺ-ից, իսկ Ժառանգությունից միայն Երևանի ավագանիները: Բա ուր մնացին Նաիրա Զահրաբյանը, Լևոն Զուրաբյանը, ամբողջ օրը հայրենասիրությունից ու մարդկային արժեքներից են խոսում, թե Ծառուկյանը մոռացել էր հրահանգել, դրա համար չեն եկել:

Այդ չորս կուսակցության պատգամավորները, որ միտինգի էին գնացել, չէին կարա նույն միասնությամբ գնալ Եռաբլուր' հերոսի հիշատակը հարգելու»: