Արմեն Աշոտյանը պարզաբանում է

ՀՀ ԿԳ նախարար Արմեն Աշոտյանը ֆեյսբուքյան իր էջում գրել է.

««Զինապարտության մասին» ՀՀ օրենքում լրացում կատարելու մեր առաջարկությունը, բնական է, որ քննարկումների առարկա է դարձել:

Սակայն քննարկումներին զուգահեռ տեղի ունեցան նաև իրականությանը չհամապատասխանող պնդումների և ապատեղեկատվության տարածման փորձեր:

Մասնավորապես, ցանկանում եմ կրկին շեշտել, որ օրենքի լրացումը չի նախատեսում գրավի պայմանի գործարկում միջպետական և միջկառավարական համաձայնագրերով արտերկրի բուհերում սովորող ուսանողների համար:

Տվյալ ուսանղոների տարկետման առանձնահատկությունները և պայմանները կսահմանվեն ՀՀ Կառավարության կողմից համապատասխան կարգով, որի նախագիծը, իդեպ, նույնպես հասանելի կլինի հանրային քննարկումների համար»: