Մաշտոցի պուրակի թեմայի շուրջ ծավալված դժգոհությունները պատվիրված են. Մենուա Հարությունյան
Արտաքին Քաղաքական
Մաշտոցի պուրակում տաղավարների հարցով հասարակության բարձրացրած դժգոհությունն ուղղորդված շարժում է քաղաքապետ Տարոն Մարգարյանի դեմ' հատուկ հովանավորների կողմից, դժգոհող բնապահպաններն էլ պատվիրված են: Նման կարծիք հայտնեց ՀՀԿ ներկայացուցիչ Մենուա Հարությունյանը' այսօր կայացած ասուլիսի ժամանակ:
«Մաշտոցի պուրակում առաջ եկած դժգոհությունը շոուի է վերածվել, անբարոյականները բարոյականություն են քարոզում»,-նշեց նա:
Բանախոսը նաև ասաց, որ Տարոն Մարգարյանը համարձակություն ունեցավ անել այն, ինչ նախկին քաղաքապետերից ոչ ոք չի արել' ապամոնտաժեց Աբովյանի կրպակները: Նա նաև հավելեց, որ քաղաքապետը ոչ թե վաճառում է պուրակի տարածքը, այլ հանձնում վարձակալության:
Անդրադառնալով Մաշտոցի պուրակի տաղավարների տեղադրման պատճառով պուրակում զբոսանքի, երեխաների ժամանցի կազմակերպման խաթարմանը' բանախոսը նշեց, որ ինքը պուրակում երբևէ երեխա չի տեսել:
«Շուտով կրպակի տերերը իրենք են հրաժարվելու պուրակից' գիտակցելով տարածքի' գործի համար անբարենպաստ լինելու հանգամանքը»,-հավելեց Մենուա Հարությունյանը:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
