Metallica-ի հազարավոր երկրպագուներ անկարգություններ են սկսել համերգի չեղյալ հայտարարման պատճառով (Վիդեո)

Հնդկաստանի մայրաքաղաքում լեգենդար Metallica ռոք խմբի երկրպագուների անկարգություններ են սկսել այն բանից հետո, երբ համերգի կազմակերպիչները այն չեղյալ են հայտարարել։

Ինչպես հաղորդում է BBC–ն խմբի պատմության մաջ առաջին անգամ հնդկաստանում նախատեսված համերգը նվիրված էր այս հանգստյան օրերին տեղի ունենալիք «Ֆորմուլա–1»–ի Գրան–պրիին։

Համերգը չեղյալ է հայտարարվել «տեխնիկական պատճառներով»։

«Դժողքն ազատություն է ստացել»,– այսպես են մեկնաբանում հնդկական ԶԼՄ–ները համերգի չեղյալ հայտարարման մասին լուրերին ի պատասխան ռոք–ֆանատների սկսած անկարգությունները։

Երկու ժամվա ընթացքում ամբոխն ավերել է համերգային հարթակը։ Հեռուստաընկերությունների հաղորդած տեղեկություններով՝ ֆանատների պատճառած վնասը գնահատվում է մոտավորապես 200 հազար դոլար։

Իրենք՝ անկարգությունների մասնակիցները, ԶԼՄ–ներին հայտնել են, որ «խիստ հիասթափված են» համերգի չեղարկման պատճառով։

Նշենք, որ կիրակի օրը նախատեսված է խմբի համերգը Հնդկաստանի հարավում գտնվող Բանգալոր քաղաքում և սպասվում է, որ խումբն, ամեն դեպքում, Հնդկաստանում հանդես կգա համերգով։