Թուրքիայում կրկին անհանգիստ են Ֆեթուլլահ Գյուլենի հայկական ծագման հարցի շուրջ
Թուրքիա
Թուրքիայում այս կամ այն քաղաքական գործչի հայ լինելու շուրջ խոսակցությունները չեն դադարում օրակարգային լինել: Այս անգամ թիրախում է հայտնվել Թուրքիայում վերջին երկու ամսվա ընթացքում ծավալված հակակոռուպցիոն սկանդալի մեղավորներից մեկը համարվող Ֆեթուլլահ Գյուլենը: Այս մասին հայտնում է haberciniz.biz կայքը:
Թուրքական պատմագիտական ընկերության նախկին նախագահ, թուրքական պատմության զեղծարար Յուսուֆ Հալաչօղլուի այն պնդումները, թե հայտնի իսլամական «Հիզ մեթ» շարժման առաջնորդ Ֆեթուլլահ Գյուլենը հայ է, կրկին հայտնվել են օրակարգում: Հալաչօղլուի խոսքերի համաձայն` Գյուլենը ծնվել է Էրզրումում' հայկական գյուղում: Թուրք պատմաբանի խոսքով` Էրզրումում 1915 թվականից հետո էլ շատ հայեր են ապրել:
Ավելի վաղ Թուրքիայում խոսել են գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուի, քրդերի առաջնորդ Աբդուլլահ Օջալանի, անգամ երկրի նախագահ Աբդուլլահ Գյուլի հայ լինելու մասին:
Ֆեթուլլահ Գյուլենը, ով 1999թ. որպես վտարանդի բնակվում է ԱՄՆ-ում, մեծ ազդեցություն ունի թուրքական կառավարության և ուժային կառույցների վրա: Թուրքական խորհրդարանում ԱԶԿ-ի զգալի թվով պատգամավորներ համարվում են գյուլենական աղանդի հետևորդներ:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
