«Ռոմեո եւ Ջուլիետ»–ը չխաղացին իրական մահվան պատճառով

Ալ. Սպենդիարյանի անվան օպերայի եւ բալետի ազգային ակադեմիական թատրոնում երեկ՝ ժամը 19.00-ին, «Ռոմեո եւ Ջուլիետ» բալետով պետք է ամփոփվեր Վ. Փափազյանի անվան շեքսպիրյան միջազգային թատերական փառատոնը, սակայն ներկայացումը չկայացավ:

Ինչպես հայտնել է փառատոնի մամուլի քարտուղար Վլադ Մուրադյանը, պատճառն այն է, որ մահացել է Ռոմեոյի դերակատար Սեւակ Ավետիսյանի մայրը: 

Հիշեցնենք, որ փառատոնը մեկնարկել էր հոկտեմբերի 14-ին Գ. Սունդուկյանի անվան ազգային ակադեմիական թատրոնում Լոնդոնի «Չիկ բայ ջաուլ» թատրոնի եւ Մոսկվայի Չեխովի անվան միջազգային թատերական փառատոնի համատեղ նախագծով՝ Շեքսպիրի «12-րդ գիշեր»-ով:

Բացի դրանից փառատոնի շրջանակներում Հայաստան էին ժամանել վրացական, իրանական եւ թուրքմենական թատրոններ, որոնցից յուրաքանչյուրը յուրովի ներկայացրեց մեծ գրողի ստեղծագործությունները: