Թուրքիայում կփորձեն արգելել գյուլենական դպրոցները

Թուրքիայի կրթության նախարարությունը խորհրդարանի քննարկմանն է ներկայացրել մասնավոր դպրոցների և բարձրագույն ուսումնական հաստատությունների ընդունելության նախապատրաստական մասնավոր դասընթացները (գյուլենական դպրոց) փակելու մասին: Այս մասին հայտնում է «Անատոլու» լրատվական գործակալությունը:

Թուրքական ԶԼՄ-ներն ավելի վաղ հայտնել էին, որ գյուլենական դպրոցները փակելու մասին հայտարարությամբ հանդես է եկել Թուրքիայի վարչապետ Ռեջեփ Թայիփ Էրդողանը: 

Թուրքիայի կրթության նախարարության տվյալներով` այդ երկրում գործում են 3640 մասնավոր և 60165 պետական ուսումնական հաստատություն:

Թուրքիայում մասնավոր դպրոցների հիմնադիրը համարվում է Ֆեթուլլահ Գյուլենն, ով «Հիզմեթ Հարեքեթի» ազդեցիկ կրոնական կազմակերպության առաջնորդն է, որը կոչվում է նաև «նուրչուլյար» շարժում: Շարժումը համարվում է արդի իսլամ քարոզող հզոր շարժում: Այն հարյուրավոր դպրոցներ ունի նաև աշխարհի բազմաթիվ իսլամական երկրներում: 

Վերջին երկու տարում Ֆեթուլլահ Գյուլենի և Էրդողանի միջև հարաբերությունները սրվել են իսլամի շուրջ ունեցած տարակարծությունների պատճառով: Արդեն երկու ամիս է' Էրդողանը իրավապահ մարմինների և դատական համակարգի շարքերը մաքրում է այն մարդկանցից, ովքեր կասկածվում են գործող վարչակարգի նկատմամբ անհավատարմության մեջ: 

Դեկտեմբերի 17-ի Ստամբուլում և Անկարայում միաժամանակյա անցկացրած գործողությունների արդյունքում թուրքական ոստիկանությունը ձերբակալել է 50-ից ավելի անձանց, որոնք կասկածվում են ապօրինությունների, կոռուպցիայի, դրամաշորթության և Ադրբեջանի հետ էներգետիկական համագործակցության բնագավառում մոտ 200 մլրդ դոլար յուրացումների մասնակցության մեջ:

Դրանից հետո Թուրքիայի վարչապետ Ռեջեփ Թայիփ Էրդողանը փոխել է կառավարության 10 նախարարների և գործարարների ու չինովնիկների ձերբակալությունները նախաձեռնած ոստիկանության 500-ից ավելի բարձրաստիճան աշխատակիցների: