Թուրքիայում չեղյալ է հայտարարվել հակակոռուպցիոն սկանդալի հետաքննության գործընթացը
Թուրքիա
Ստամբուլի հանրապետական դատախազությունը հայտարարել է, որ դեկտեմբերի 17-ին Թուրքիան ցնցած կաշառակերության գործողությունների շրջանակում ձերբակալված կասկածյալների նկատմամբ երկրից բացակայելու և ունեցվածքը կալանքի տակ առնելու վերաբերյալ ձեռնարկված բոլոր միջոցառումները չեղյալ են հայտարարվում: Այս մասին հաղորդում է Haberler լրատվական կայքը:
Ավելի վաղ դատախազությունը հայտնել էր կոռուպցիոն սկանդալի գործով Թուրքիայի ներքին գործերի նախկին նախարար Մուամար Գյուլերի որդու' Բարըշ Գյուլերի, Halk բանկի նախկին տնօրեն Սուլեյման Ասլանի և գործարար Ռեզա Զարրաբի հետ 11 կալանավորված և ընդհանուր առմամբ` 91 կասկածյալ լինելու մասին:
Դեկտեմբերի 17-ին Ստամբուլում և Անկարայում անցկացրած գործողությունների արդյունքում ոստիկանությունը ներքին գործերի նախարար Մուամար Գյուլերի, Էկոնոմիկայի նախարար Զաֆեր Չաղլայանի, Բնապահպանության նախարար Էրդողան Բայրաքթարի որդիների, Ստամբուլի Ֆեթիհի քաղաքապետ Մուստաֆա Դեմիրի, Halk բանկի տնօրեն Սուլեյման Ասլանի, գործարարներ Ռեզա Զարրաբի, Ալի Աղաօղլուի հետ ձերբակալել էր 50-ից ավելի անձանց, որոնք կասկածվում էին կոռուպցիայի, դրամաշորթության և Ադրբեջանի հետ էներգետիկական համագործակցության բնագավառում մոտ 200 մլրդ դոլար յուրացումների մասնակցության մեջ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
