«Գեղամյանը գիրքը գրել է, որպեսզի վրացիները կարդան ու ասեն. «Բա ինչի մենք էլ չմիանա՞նք որ, ապե»»

Ստյոպա Սաֆարյանը ֆեյսբուքյան իր էջում գրել է.

«Արտաշես Գեղամյանը բազմահատորյակի հերթական հատորն է գրել՝ «Հայաստանը Մաքսային Միությունում»: Էն հասկացա, որ Գեղամյանը դա գրել է, որպեսզի վրացիները կարդան ու ասեն՝ «բա ինչի մենք էլ չմիանա՞նք, որ, ապե»: Ու քանի որ գիրքը վրացական լսարանի համար է գրել, դրա շնորհանդեսին մասակցող Սերժ Սարգսյանի «Արտաշ, էկել ես ստե, տուֆտում ես որ ի՞նչ անես» խորագրով խոժոռ դեմքը վկայում էր այն մասին, որ Արտաշես Գեղամյանը անգամ Սերժ Սարգսյանին չի համոզել: Գեղամյանն ասել է, որ բազմահատորյակի հաջորդ հատորյակը գրելու է Տիգրան Սարգսյանի հետ համահեղինակությամբ եւ ունենալու է՝ «ՀանրաՊԵՏՈՒԹՅԱՆ վախճանը Մաքսային միությունում» վերնագիրը:

Սպասենք այդ հատորյակում դարիս հարցի պատասխանին՝ արդյո՞ք կյանք կա Մաքսային միությունից անդին... Ասում են՝ ՆԱՍՍԱ-ն արդեն խառնվել է հարցադրումից ու պատրաստվում է իր արբանյակը ետ կանչել Մարսից ու ուղարկել Մաքսային միություն՝ կյանքի նշույլներ փնտրելու: Ահա այսպիսի գեոպոլիտիկ կրքեր Արտաշես Գեղամյանի գեոպոլիտիկ ու բոլորին խառնած գրքից»: