Մեքենաները՝ ձնաբքի մեջ

Փետրվարի 20-ին' ժամը 09.33-ին ահազանգ է ստացվել, որ Շիրակի մարզում' Աշոցք-Բավրա ավտոճանապարհին ձնաբքի հետևանքով արգելափակվել է երթևեկությունը և խցանման մեջ են մնացել ավտոմեքենաներ: Այդ մասին ասված է ՀՀ ԱԻՆ պաշտոնական կայքում զետեղված հաղորդագրությունում։ 

Համապատասխան տեխնիկայով մաքրվել է ավտոճանապարհի անանցանելի հատվածը և ժամը 13.45-ի դրությամբ մոտ 80 ավտոմեքենաներ (մոտ 150 ուղևորներ) շարունակել են երթևեկությունը:

Ձնաբքի հետևանքով արգելափակված ավտոմեքենաներ են դուրս բերվել նաև Շիրակի մարզում' Գյումրի-Ամասիա, Աշոցք-Թորոս ավտոճանապարհներից, Մայիսյան գյուղի մոտակայքից, Արագածոտնի մարզում' Ալագյազ-Ծաղկահովիտ, Գեղարքունիքի մարզում' Քարվաճառ-Վարդենիս ավտո¬ճա¬նա¬պարհից (Սոթք գյուղի մոտակայք):