Ռուսաստանը չի մասնակցի «Սիրիայի բարեկամներ» հանդիպմանը. ՌԴ ԱԳՆ

Ռուսաստանը Թունիսում «Սիրիայի բարեկաներ» հանդիպմանը մասնակցելու հնարավորություն չի տեսնում, հաղորդում «Ռիա նովոստի»-ն հղում անելով Ռուսաստանի ԱԳՆ մամլո քարտուղար Ալեքսանդր Լուկաշևիչին։ 

«Մեզ պաշտոնապես չեն հայտնել հանդիպման մասնակից երկրների և հյուրերի անունները և ոչ էլ՝ հանդիպման օրակարգը։ Ամենագլխավորն այն է, որ հայտնի չէ այդ նախաձեռնության նպատակը։ Ստացված տեղեկությունների համաձայն,Թունիս են հրավիրվել սիրիական ընդդիմության մի քանի առանձին խմբեր, սակայն Սիրիայի իշխանության ներկայացուցիչներ չեն հրավիրվել, որը կասկածի տակ է դնում այդ հանդիպման արդյուքնում որևէ լուրջ փաստաթուղթ ընդունելու հավանականությունը։ Ըստ տեղեկությունների, ընդունվելիք փաստաթղթի վրա արդեն աշխատում է արաբական երկրների նեղ շրջանակ, թեև դեռ ոչ բոլոր երկրների համաժողովին հրավիրված պատվիրակություններն են ժամանել Թունիս, որոնց վերջում խնդրելու են ստորագրել նախապես պատրաստված փաստաթուղթը», – ասել է Լուկաշևիչը։

Հիշեցնենք, որ անցյալ շաբաթ, Արաբական երկրների լիգայի արտգործնախարարների մակարդակով Սիրիայի հարցով Կահիրեում հրավիրված արտակարգ նիստի ժամանակ Թունիսը առաջարկել էր «Սիրիայի բարեկամներ» համաժողով հրավիրել։ ԱՄՆ Պետդեպարտամենտը այդ նախաձեռնությանը հավանություն էր տվել, սակայն նշել, որ Ռուսաստանին և Չինաստանին Սիրիայի բաերկամներ չի համարում։