Գենդերային ինքնության հետ խնդիր ունեցող երեխաների թիվն աճում է. մասնագետներ

Երբ երեքամյա Զակ Էվերին իր մորն ասել է, որ ինքն իրեն աղջիկ է համարում, մայրը ենթադրել է, որ դա անլուրջ պնդում է։ Սակայն ժամանակի ընթացքում տղան ավելի ու ավելի դյուրագրգիռ էր դառնում, եթե նրան չէին վերաբերում իբրև աղջկա ու արգելում էին շրջազգեստ հագնել, գրում է The Telegraph-ը։

Հոգեբանները տղայի մոտ հայտնաբերել են գենդերային ինքնության խանգարում։ Փաստորեն, Զակ Էվերին Բրիտանիայում ամենաերիտասարդ մարդն է, որը համոզված է հակառակ սեռին իր պատկանելիության մեջ։ Այժմ երեխայի ծնողները համակերպվել են նրա ցանկությունների հետ և թույլատրում են խաղալ տիկնիկների հետ և աղջիկ երեխաների հագուստ կրել։ Դպրոցում ուսուցիչները Զակի համադասարանցիներին ներկայացրել են խնդիրը, որպեսզի վերջիններս չնեղացնեն նրան։

Թեև գենդերային ինքնության խանգարումները տարածված երևույթ են, սակայն հոգեթերապևտներն առաջին անգամ են բախվել նման տարիքի երեխայի մոտ այդ խնդրի ի հայտ գալուն։ Հատկանշական է, որ Զակի գիտակցության մեջ այդ շրջադարձը կատարվել է մի մուլտսերիալ դիտելուց հետո։ Զակը դրանից հետո փորձ էր կատարել կտրել իր առնանդամը։

Tavistock and Patman Foundation Trust ֆոնդի տվյալներով, գենդերային ինքնության խնդիր ունեցող երեխաների թիվն անընդհատ աճում է։ 2009-2010-ին այդպիսի երեխաները 97-ն էին, իսկ 2011-ին՝ 165-ը։