ՄԱԳԱՏԷ–ի պատվիրակությունն Իրանի միջուկային օբյեկտներում ստուգումներ չի իրականացնի

Իրանի արտգործնախարարը հայտարարել է, որ Իրանում գտնվող Ատոմային էներգիայի միջազգային գործակալության (ՄԱԳԱՏԷ) պատվիրակությունը ստուգումներ չի իրականացնելու Իրանի միջուկային օբյեկտներում։

«Այցի հիմնական նպատակն Իրանի և ՄԱԳԱՏԷ–ի միջև համագործակցությունը խորացնելուն միտված բանակցություններ անցկացնելն է», – ասել է արտգործնախարար Ռահմին Մեհմանպարաստը։

Երկուշաբթի արևմտյան լրատվամիջոցները հայտնել էին, որ ՄԱԳԱՏԷ–ի անվտանգության հարցերով գլխավոր տնօրենի տեղակալ Հերման Նակաերտսոնի գլխավորած պատվիրակությունը փորձելու է հանդիպել միջուկային ուսումնասիրություններով զբաղվող իրանցի բարձրաստիճան գիտնականների հետ, ինչպես նաև այցելելու է Թեհրանում գտնվող Պարչին ռազմական օբյեկտ, որտեղ ըստ BBC ռադիոկայանի հրթիռների համար կառուցվելու են միջուկային մարտագլխիկներ։ 

Սակայն իրանական աղբյուրները նշում են, որ 2005–ին ՄԱԳԱՏԷ–ի ներկայացուցիչներն արդեն եղել են Պարչինում, որտեղ միջուկային նյութեր չեն հայտնաբերվել։ 

Արևմուտքի համար վտանգ հանդիսացող Պարչին և Թեհրանի հյուսիս–արևելքում գտնվող Լավիզան–Շիան ռազմական օբյեկտները, որտեղ պաշտոնական ստուգումներ են իրականացվում, դուրս են գտնվում միջուկային զենքի տարածման դեմ պայմանագրի շրջանակներից, որի համար պաշտոնական Թեհրանը բոլոր իրավունքներն ունի որևէ միջազգային կառույցի չթույլատրելու այդ օբյեկտներում ստուգումներ իրականացնել, հաղորդում է Итар-Тасс–ը։