«Ի՞նչ է սա, եթե ոչ գազային ախմախություն». Նիկոլ Փաշինյան
Բլոգոսֆերա
ԱԺ ՀԱԿ խմբակցության պատգամավոր Նիկոլ Փաշինյանը ֆեյսբուքյան իր էջում գրել է.
«Սերժ Սարգսյանը ԵԿՄ այսօրվա համագումարում ասում է, թե քննարկումների ժամանակ ոչ ոք կասկածի տակ չի դրել Ռուսաստանից ստացվող գազի գնի շահեկան լինելը:
ԱԺ-ում ասել եմ, հիմա էլ եմ կրկնում. Պետական եկամուտների կոմիտեի հրապարակած տվյալներով՝ Իրանից Հայաստան մուտք գործող գազի հազար խորանարդ մետրը սահմանին արժե 181 դոլար:
Մինչդեռ Հայաստանն իրանական գազը չի գնում սեփական կարիքների համար եւ այդ նպատակով գազ է ներմուծում Ռուսաստանից, որը սահմանին արժե 189 դոլար՝ հազար խորանարդ մետրի դիմաց:
Այսինքն՝ ռուսական գազը ութ դոլարով թանկ է իրանական գազից:
Ընդ որում, Հայաստանը նման «զեղչի» հասել է «Հայռուսգազարդի» 20 տոկոս բաժնեմասը Ռուսաստանին հանձնելով:
Մաքսային միությանն անդամագրվելը եւ գազային տխրահռչակ պայմանագիրն էլ Հայաստանին կարող են տասնյակ տարիներով զրկել Իրանից ավելի էժան գազ ներմուծելու հնարավորությունից:
Ի՞նչ է սա, եթե ոչ գազային ախմախություն»:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
