Գուգլի թարգմանչական խարդավանքները

Վերջերս տեղեկատվություն էր տարածվել մի շարք տեղական և սփյուռքյան լրատվամիջոցներում ու սոցիալական ցանցերում այն մասին, որ translate.google.com կայքի թարգմանչական ծրագիրը՝ «Ես սիրում են հայերին» նախադասությունը բոլոր լեզուներով թարգմանում է «I love Turkey» (Ես սիրում եմ Թուրքիան):

Ըստ երևույթին, այս սխալը շտկվեց համացանցում ստեղծված հայ օգտատերերի բողոքի շնորհիվ, իսկ պատկան մարմինները չփորձեցին դույզն-ինչ անհանգստանալ այդ խնդրով: Սակայն ցավոք պետք է նշել, որ translate.google.com–ը հեղեղված է նմանատիպ սխալներով, որոնք անկասկած հետևողական աշխատանքի արդյունք են:

Մասնավորապես, արևմտահայերեն «Ես կսիրեմ հայերը» արտահայտությունը նույնպես թարգմանվում է «I love Turkey» (Ես սիրում եմ Թուրքիան):
«Ես սիրում եմ Փարիզը, Լոնդոնը, Մոսկվան» նախադասությունը ճիշտ է թարգմանվում – “I love Paris, London, Moscow”, մինչդեռ «Ես սիրում եմ Երևանը» չգիտես՝ ինչու դարձել է «I love the city» (ես սիրում եմ քաղաքը): Նույն սկզբունքով են թարգմանվում հետևյալ նախադասությունները՝ «Ես սիրում եմ անգլիական, ռուսական, ամերիկյան, ֆրանսիական բանակը» – I love English, Russian, American, French Army, մինչդեռ «Ես սիրում եմ հայկական բանակը» դառնում է I love the army (Ես սիրում եմ բանակը):

«Ես կսիրեմ Ղարաբաղը» և «ես սիրում եմ Արցախը» նախադասությունները թարգմանվում են «I love Turkey» (Ես սիրում եմ Թուրքիան): Իսկ երբ փորձեք գրել «ես ատում եմ Ղարաբաղը» զարմանալիորեն իմաստային ճիշտ թարգմանություն կապահովվի – «I hate to Karabakh», իսկ «ես ատում եմ Արցախը» ուղղակի թարգմանվում է – «I hate the EU» (Ես ատում եմ Եվրամիությունը):
Ղարաբաղ, Երևան (Երեւան) տեղանունները թարգմանվում են «in» (մեջ): Երևանը ճիշտ է թարգմանվում, երբ հայերեն սխալ է գրվում՝ «Երեվան» – Yerevan: Իսկ Արցախը թարգմանվում է «News» (նորություններ):

Ստորև Լեզվի ժողովրդական տեսչությունը հայ հանրության ուշադրությանն է ներկայացնում translate.google.com-ում առկա մի շարք այլ խախտումներ ևս և դիմում Հայաստանի լեզվական պաշտպանության, ինչպես նաև տեղեկատվական անվտանգության հարցերով զբաղվող մարմիններին՝ շուտափույթ ստանձնել այս խայտառակ իրավիճակը շտկելու պատասխանատվությունը:

ես կսիրեմ Արցախը - I love Turkey
ես սիրում եմ Ղարաբաղը – I love Turkey
ես սեր Ղարաբաղը – I love Turkey
իմ սեր Արցախը – I love Turkey
Ես պաշտում եմ Արցախը- I adore the EU
Ես պաշտում եմ Ղարաբաղը - I adore my issue
Ես պաշտպանում եմ Արցախը – I support the EU
Ես օգնում եմ Արցախը – I help to Turkey
Ես օգնում եմ Ղարաբաղին – I help my issue
Ես պայքարում եմ Արցախի համար – I’m fighting for the
Ես պայքարում եմ Ղարաբաղի համար – I’m in for the fight։

Լեզվի ժողովրդական տեսչություն