Դերասանուհին միայն 3 տարի անց է հայտնել՝ ով է իր երեխայի հայրը

3 տարի առաջ Մինի Դրայվերը (Minnie Driver)՝ «Խելացի Ուիլլ Հանթինգ» ֆիլմի աստղը, մայրիկ էր դարձել, սակայն մինչ վերջերս ոչ ոք չգիտեր, թե ով է նրա որդու հայրը։ Այժմ 42-ամյա կինոդերասանուհին որոշել է պատմել իրականությունը։

Նա խոստովանել է, որ որդու՝ Հենրիի հայրը «Հարուստները» հեռուստասերիալի սցենարիստն է, որն այդքան էլ հայտնի չէ։ «Մենք երբեք էլ զույգ չենք եղել, այդ պատճառով ես որոշեցի պաշտպանել նրան մամուլի «ուշադրությունից»։ Սակայն, այժմ ես գտնում եմ, որ նա չափահաս մարդ է և կարող է ինքն իր մասին հոգ տանել»,– հայտնել է Մինին «The Observer» ամսագրին տված հարցազրույցի ժամանակ։

Դերասանուհու խոսքերով՝ սկզբնական շրջանում իր սիրեկանը նույնիսկ չէր էլ հետաքրքրվում երեխայով, սակայն, վերջերս նա փոխել է իր դիրքորոշումը և ամեն կերպ փորձում է «հետ բերել կորցրածը»։

Նշենք նաև, որ Մինի Դրայվերի լույս աշխարհ գալու պատմությունը նույնպես արտասովոր բնույթ ունի։ Մինին և նրա քույր Քեյթը (Kate) միլիոնատեր Ռոն Դրայվերի (Ron Driver) արտաամուսնական դուստրերն են, որի օրինական կինը նույնիսկ չի էլ կասկածել, որ Ռոնը երկրորդ ընտանիքն ունի։