«Չորրորդ ինքնիշխանություն». ՕԵկ-ը ընտրակաշառք է բաժանում Էրեբունի համայնքում

«Չորրորդ ինքնիշխանություն» թերթը գրում է, որ ՕԵԿ-ը  ընտրակաշառք է բաժանում Էրեբունիում: Ընտրակաշառքը բաժանվում է հիմնականում թոշակառուներին, և նրանց ասվում է, թե իբր Էրեբունի համայնքի թաղապետարանն է սոցիալական օգնություն ցուցաբերում տարեցներին: Թերթը նշում է, որ ՕԵԿ-ի աշխատանքները Էրեբունի համայնքում կոորդինացնում Էդուրադ Մադաթյանը' Խուճուճ Էդոն, որն, ինչպես հայտնի է, լինելու է ՕԵԿ համամասնական ցուցակի առաջատար հորիզոնականներում: «ՉԻ»-ի ունեցած տեղեկություններով' ՕԵԿ-ականները Էրեբունի համայնքի թոշակառուներին բաժանել են ՕԵԿ-ի օրացույցներ (ստացվում է, որ տարին ՕԵԿ-ականների համար սկսվում է փետրվար ամսից), «Հայլեռ» անունը կրող սուրճի երկուական տոպրակներ, «Հայասի» օղի' մեկ շիշ և մեկ շիշ բնական հյութ: Ամանորի նախաշեմին ՕԵԿ-ը դարձյալ նույն ապրանքներ են բաժանել տարբեր համայնքներում: Այն ժամանակ կուսակցության ներկայացուցիչները պնդում էին, թե դրանք բաժանում են բացառապես իրենց կուսակիցներին, այն էլ' տալիս են ոչ թե որպես ընտրակաշառք, այլ ամանորյա նվեր: Երևի, ՕԵԿ-ի չի հասցրել իրացնել «ամանորյա նվերների» ողջ պաշարը և հիմա «մնացորդները» բաժանում է թոշակառուներին: Եթե այսպես չէ, ուրեմն' արձանագրենք, որ ՕԵԿ-ը սկսել է ընտրակաշառք բաժանել դեռ նախորդ տարվանից: