Ժողովուրդ». Նիկոյանը մասնագիտացել է հանցանքներ կոծկելու հարցում

Սամվել Նիկոյանը կարծես թե մասնագիտացել է հանցանքներ կոծկելու հարցում: Շատերը կհիշեն, թե ինչպես Նիկոյանը ղեկավարեց մարտի 1-ի դեպքերն ուսումնասիրող ԱԺ ժամանակավոր հանձնաժողովը՝ ամեն ինչ անելով այդ ոճրագործության իրական մեղավորներին պարտակելու հարցում: Նույն կերպ նա պարտակում է նաև իր գործընկերների արարքները: Երեկ, քննարկելով Հայկական պառլամենտարիզմի կենտրոնի՝ ուրիշի փոխարեն քվեարկած ԱԺ պատգամավորներին՝ Հերմինե Նաղդալյանին, Գագիկ Մելիքյանին, Արա Բաբլոյանին ու Արեգ Ղուկասյանին քրեական պատասխանատվության ենթարկելու համար ՀՔԾ ուղարկած և այնտեղից իրեն վերահասցեագրված դիմումը, Նիկոյանն ուշագրավ որոշում է կայացնում:«Դիմել ՀՀ Ազգային Ժողովի խմբակցություններին՝ կոչ անելով աշխատանք տանել հետայսու համանման երևույթները բացառելու համար»,-ասված է պաշտոնական հաղորդագրության մեջ:Այս որոշումը Նիկոյանը կայցրել է երեկ հրավիրված խորհրդակցության ժամանակ:«Ժողովուրդ»-ի տեղեկություններով՝ դրան մասնակցել են ԱԺ աշխատակազմի ներկայացուցիչներն ու ՀՀԿ-ական պատգամավորները, այդ թվում՝ ԱԺ կանոնակարգ օրենքը խախտածները:Հասկանալի է՝ Նիկոյանը ոչ միայն այդքան համարձակություն չունի պատգամավորներին պատժելու համար, այլև չի կարող նման քայլի գնալ, քանի որ հենց այդպիսինների շնորհիվ են ԱԺ-ում կրիտիկական օրերին անցկացնում օրենքները: