Մերձմոսկովյան շրջանում տեղի ունեցած պայթյունի հետևանքով զոհվածներից երկուսը Արարատի բնակիչներ են (տեսանյութ, լրացված)

Լուրեր.com–ի տեղեկություններով, Մերձմոսկովյան շրջաններից մեկում գտնվող հացի արտադրամում գազի երկու բալոնների պայթյունի պատճառով մահացածներից 46–ամյա Մարինե Սարգսյանը, 22–ամյա Վրեժ Սարգսյանը, 44–ամյա Ջեմմա Մելքոնյանը և վիրավոր 30–ամյա Կարեն Հակոբյանը Արարատի մարզի Արարատ գյուղի բնակիչներ են, որոնք մեկնել էին Մոսկվա արտագնա աշխատանքի։ Մարինե Սարգսյանը և Վրեժ Սարգսյանը մայր և որդի են։

Հիշեցնենք, որ կիրակի օրը Մոսկվայի շրջանում գտնվող հացի արտադրամասում տեղի ունեցած պայթյունի մասին LifeNews–ը հաղորդել էր, որ 11 տուժածներից 9-ը ազգությամբ հայ է, որոնցից հինգի վիճակը բժիշկները ծայրահեղ ծանր են գնահատում։ 

Հացի արտադրամասի ազգությամբ հայ սեփականատեր Ռաֆիկ Մարգարյանը ձերբակալվել է։ Ստորև ներկայացնում ենք պայթյունի հետևանքով տուժած 11 անձանց անունները։  

1. Սարգսյան Մարինե, 46 տարեկան

2. Սարգսյան Վրեժ, 22 տարեկան

3. Մելքոնյան Ջեմմա, 44 տարեկան 

4. Հակոբյան Կարեն, 30 տարեկան

5. Սարոյան Ռ. Ա., 44 տարեկան

6. Համաթյան Ա. Ս., 43 տարեկան

7. Մավլոդատով, 29 տարեկան

8. Միրզաքարիմով, 18 տարեկան

9. Գրիգորյան Ա. Ն., 54 տարեկան

10. Ժուլյակյան Ա., 28 տարեկան

11. Սիմոնյան Մ., 25 տարեկան