«Ձեր չգալու պատճառը... վայելեք էս գաղջը. պայքարող մարդկանց սպասում ենք»

Արեն Մանուկյանը Facebook սոցցանցի իր էջում գրել է.

«Տարբեր մարդկանց մոտ էս քանի օրը նկատում եմ որոշակի ուղղվածություն' կապված մարտի 1-ի հանրահավաքի հետ: Մասնավորապես, որ մարտի 1ի հանրահավաքին գնալու ենք` հարգելու էդ օրվա զոհերի հիշատակը, ու ցույց տալու, որ չենք մոռացել: Ու կապ չունի ՀԱԿ-ն ա անում թե ով, մարտի 1ը ոչ մեկի մենաշնորհը չի:

Մասամբ համաձայն եմ, այո, մարտի 1-ը ոչ մեկի մենաշնորհը չի, ու նման հարցերը երբեք չեն կարա լինեն մենաշնորհ, կամ քաղաքական դիվիդենտ, ու մասնավորապես ՀԱԿ-ը երբեք չի ձգտել դրան:

Ասեմ ավելին, Ազատության հրապարակն էլ, Մյասնիկյան հրապարակն էլ մեր սեփականությունը չի, ու եթե ինչ որ մեկը ցանկանում ա ինչ որ հարցով, կամ հենց մարտի 1-ի հետ կապված ինչ որ միջոցառում անի, ինքը ազատ ա:

Ստեղ կա մի բայց. Մարտի 1-ի ժամը 15:00 հանրահավաքը կազմակերպել ա Կոնգրեսը ու էդ միջոցառումը, այո ՀԱԿ-ի միջոցառումն է: Ու եթե կան մարդիկ, ովքեր ուզում են էդ օրը ինչ որ բան անեն, բայց չեն սիրում ՀԱԿ-ին, չեն ուզում լսեն ելույթները, ազատ են` կազմակերպելու իրանց միջոցառումը:

Էդ օրը Կոնգրեսը և հիշելու է 6 տարի առաջվա ողբերգությունը, և վերսկսելու է պայքարը նոր թափով` պատժելու մարտի 1ի պատասխանատուներին, ու ստեղծելու նենց համակարգ, որտեղ հնարավոր չի լինի նոր մարտի մեկեր:

Ու բոլոր այն մարդիկ, ովքեր իրոք ուզում են հասնել փոփոխությունների, ովքեր ուզում են պայքարել օրինական պետություն ունենալու համար, այդ օրը սպասված մարդիկ են: Իսկ նրանք, ում համար կարևորը ոչ թե էս խնդիրների լուծումն ա, այլ խնդիր ա էդ օրը հարթակում կանգնած ինչ որ մեկի սանրվածքը, կամ հնչող ինչ որ կոչ, կամ ելույթի ինտոնացիան, ու տենց հարցերը դառնալու են պատճառ` ձեր չգալու համար, ուրեմն վայելեք էս գաղջը, ձեզ բարի բախտ

Բոլոր ազնիվ ու պայքարող մարդկանց սպասում ենք մարտի 1-ին` Ազատության հրապարակում»: