Դմիտրի Մեդվեդևը արձագանքել է Facebook-ի իր էջում արված քննադատական մեկնաբանություններին

Ռուսաստանի նախագահ Դմիտրի Մեդվեդևը արձագանքել է Facebook-ի իր էջում Մեծ թատրոնի վերանորոգումից հետո կայացած բացման արարողության վերաբերյալ հղման տակ արտահայտված քննադատական մեկնաբանություններին:

«Տարօրինակ է, որոչ ոք չնկատեց բացման կատարյալ անհաջողությունը։ Անմիտ սկիզբ՝ երգող գատարբայտերներ (?), Ընդհանուր կոնցեպցիայի բացակայություն, ոչ մի բանի հետ կապ չունեցող համարներ, ընդ որում՝ ոչ այքան հետաքրքիր... Բազմաթիվ թերհաշվարկներ, որոնց համար թատրոնի ղեկավարությունը պետք է խիստ ամաչի։ Խոշոր հաշվով՝ լիակատար ՁԱԽՈՂՈՒՄ էր», «Նորից փող լվացին։ վերանորոգման փոխարեն վերակառուցել էին։ Մեծ թատրոնից բան չի մնացել», « Իսկ ինչքա՞ն փող տարավ Ձեր այդ ...թատրոնը։ Իսկ մեզ մոտ, Իվանովոյում նույնիսկ կրկեսի շենքն է ավերակ։ Լավ է ողջ երկրի հաշվին ապրելը, չէ՞»,– ահա այսպիսի մեկնաբանություններ էին տրվել նախագահի տարածած հղմանը։

Ավելի վաղ բլոգերու և սոց. ցանցերում քննարկվում էր, որ Մեծ թատրոնի վերաբացման արարողության տոմսերը ավելի քան 2 մլն. ռուբլիով են վաճառվում։ Հետագայում տոմսարկղերում դա մեկնաբանել էին որպես «տեխնիկական խոտանի արդյունք»։

Մեդվեդևը անտեղի է համարել բլոգերների և Ֆեյսբուքցիների քննադատությունը. «Այսպես։ Մեծ թատրոնի տոմսերը 2.5 մլն. չեն արժենալու։ Դա հիմարություն է։ Սա մեկ։ Մեծ թատրոնի բացման արարողությանն ընդհանրապես տոմսեր չեն վածառվել, եղել են միայն հրավիրատոմսեր։ Սա երկու։ Գալա համերգը միշտ էլ տարբեր բաների հավաքածու է։ Եվ դրա մեջ է նրա թե՛ առավելությունները և թե՛ թերությունները։ Սա երեք։ Եվ ի վերջո՝ Մեծ թատրոնը Մոսկվայինը չէ, այն ՀԱՄԱՌՈՒՍԱԿԱՆ ՀԱՐՍՏՈՒԹՅՈՒՆ է։ Բոլորից շնորհակալություն թեմայի հանդեպ ուշադրության համար»։

Հիշեցնենք, որ Մեծ թատրոնի վերանորոգման աշխատանքները սկսվել էին 2005 թվականից։