Հովհաննես Թումանյանի անվան պետական տիկնիկային թատրոնի հյուրախաղերն ԱՄՆ-ում
Գիտություն և Մշակույթ
ՀՀ մշակույթի նախարարության աջակցությամբ Հովհ. Թումանյանի անվան պետական տիկնիկային թատրոնը՝ ս. թ. հունվարի 19-ից փետրվարի 13-ը հյուրախաղերով հանդես է եկել Ամերիկայի Միացյալ Նահանգներում: Այս մասին ասված է ՀՀ մշակույթի նախարարության պաշտոնական կայքում տեղադրված հաղորդագրության մեջ:
Այդ օրերին թատերախումբը Վաշինգտոնում, Ռիչմոնդում, Ուայթ-Պլանթում, Ֆիլադելֆիայում, Նյու-Յորքում, Նյու- Ջերսիում, Բոստոնում, Փրովիդենսում և Լոս Անջելեսում հանդես է եկել շուրջ 18 ներկայացումներով, որոնք կայացել են մանկապարտեզներում, դպրոցներում, ծերանոցում, հիվանդանոցում, եկեղեցում:
Փոքրահասակ և պատանի հանդիսատեսը դիտել է Հովհ. Թումանյանի «Անխելք մարդը» /անգլերեն/, «Տարեդարձի նվերը» ներկայացումները, ծանոթացել ազգագրական երգին ու պարին:
Փրովիդենսի հայկական եկեղեցու մշակութային և երաժշտական կենտրոնի ղեկավար Կոնստանտին Պետրոսյանն իր և հայկական համայնքի անունից շնորհակալական նամակ է հղել ՀՀ մշակույթի նախարարությանը ԱՄՆ-ում Հովհ. Թումանյանի անվան պետական տիկնիկային թատրոնի հյուրախաղերի կայացմանը աջակցելու համար: Կենտրոնի ղեկավարի հավաստմամբ հյուրախաղերը մեծ խանդավառությամբ են ընդունվել հայ համայնքի կողմից և նշանակալի ազդեցություն ունեցել մատաղ սերնդի հայապահպանության գործում:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
